ЖАЗУШЫ ОРАЗ ҚАУҒАБАЙ «ӘЗІРЕТ СҰЛТАН» МЕШІТІНДЕ БОЛДЫ (ФОТО)
Бүгін «Әзірет Сұлтан» мешітінде қоғаммен байланыс аясында бас имам Ерболат Нұрылдаұлы қаламгер, жазушы, журналист, қонаевтанушы Ораз Қауғабай ағамызды қабылдап әңгімелесті. Қаламгер ағамыз еліміздегі діни ахуал жайында еркін ой бөлісіп, өзінің ақжарма тілегін білдірді.
Ораз Қауғабай ұзақ жылдан бері мемлекет және қоғам қайраткері Дінмұхамед Қонаевтың өмір жолын зерделі зерттеп, жұртшылыққа біраз дүние ұсынған еді. Соның ішінде қаламгердің «Таңғажайып Қонаев» атты роман-эссесін тұғырлы тұлғаның ата-анасы, балалық шағы, қызыққа толы студенттік өмірі, қызмет жолы көркем баяндалған. Сонымен бірге, бұл кітапта қайраткердің қара-пайымдылық, парасаттылық қасиеттері айқын көрініс тапқанын ерекше айтуға болады.
