ЖАСТАР АРАСЫНДА ҮСТЕЛ ТЕННИСІНЕН ТУРНИР ӨТТІ (ФОТО)

ҚМДБ Астана қаласы өкілдігі «Жастар ісі» секторының ұйытқы болуымен, «Төлебай» мешітінің ұйымдастыруымен жылдық жоспарға сай елордалық мешіт жастары арасында үстел тиннисінен турнир өтті.

Спорттық сайыста қатысушылар бар өнерлерін ортаға сала отырып, өзара бақ сынасты. Қызықты да тартысты өткен сайыс соңында қатысушыларға ақшалай сыйлықтар мен арнайы алғыс хаттар табысталды.

Атап айтсақ:

I орын – «Әлжан ана» мешіті (60 000 теңгенің сертификаты берілді);

II орын – Республикалық Бас мешіт (40 000 теңгенің сертификаты берілді);

III орын – «Рахымқызы Раиса ана» мешіті (30 000 теңгенің сертификаты берілді).

Осы шараның өтуіне үлкен септігін тигізген Астана қаласы өкілдігіне қарасты «Төлебай» мешітіне алғысымызды білдіреміз.

Айта кетсек, жыл басынан бері Астана қаласы өкілдігі «Жастар ісі» секторының ұйымдастыруымен мешіт жастары арасында көптеген игі шаралар ұйымдастырылып келеді.