Наиб мүфти батыр бабалар рухына тағзым етті (ФОТО)
Қазақстан Республикасының Ресей Федерациясындағы Елшілігінің ұйымдастыруымен Мәскеу облысы Волоколамск қаласында аты аңызға айналған 8-гвардиялық-панфиловшылар дивизиясының Мәскеу түбіндегі шайқастағы ерен ерлігінің 80 жылдығына арналған салтанатты іс-шара өтті.
Іс-шараға Ресейге ресми сапармен барған ҚМДБ Төрағасының орынбасары, наиб мүфти Ершат Оңғар қатысып, батыр бабалар рухына Құран бағыштап, тағзым етті.
«1941 жылдың 16 қарашасындағы Дубосеково разъезі түбінде қазақстандық 28 панфиловшы батырлар Мәскеуге кіруге тырысқан неміс танктері колоннасын жеңіп, ұрыс-даласында жеңіске жеткен болатын.
Құранның «Әли Имран» сүресінің 169-аятында «Алла жолында өлтіріліп, шейіт болғандарды өлі деп ойлама! Керсінше, олар тірі әрі Раббыларынң дәргейінде ризық-несібеге бөлінуде» делінген. Қан майданда елім-жерім, ұрпағым деп жауға қарсы шайқасып, шейіт болған бабаларымызды Алла Тағала рақымына алып, жандарын жәннаттан еткей!» деді Ершат Оңғар.
Дереккөз: ҚМДБ баспасөз қызметі
