КӨКТАЛ МЕШІТІНІҢ ЖАСТАРЫ СӘКЕН СЕЙФУЛЛИН БАБАМЫЗДЫҢ МҰРАЖАЙЫН АРАЛАДЫ (ФОТО)

ҚМДБ Астана қаласы өкілдігіне қарасты Көктал мешітінің Жастар ісі секторы бойынша жауапты маманы Хұрсан Бердімұратовтың ұйымдастыруымен Сәкен Сейфуллин бабамыздың мұражайында танымдық экскурсия өтті.

Мұражайдағы тарихшылар мешіт жастарына ұлт жанашыры  туралы тың мәліметтер беріп, бабамыздың шығармашылығы мен өмір жолы туралы кеңінен баяндап өтті.

Сәкен (Сәдуақас) Сейфоллаұлы Сейфуллин 1894 жылы 15 қазанда Ақмола облысында дүниеге келген. Қазіргі қазақ әдебиетінің негізін құраушы, ақын және жазушы, қоғам, мемлекет қайраткері. Арда бабамыз өмірінің соңына дейін ұлт руханияты үшін ғұмыр кешті.