«ӘР-РАХМАН»: ИҒТИКАФҚА КІРГЕН ЖАМАҒАТҚА УАҒЫЗ-НАСИХАТ ЖҮРГІЗІЛДІ (ФОТО)

Қазақстан мұсылмандары діни басқармасы Астана қаласы өкілдігіне қарасты «ар-Рахман» мешітінде жиырмаға жуық жамағат иғтикафқа ниет етті. Құлшылық үйінің имамы Жандос Атамбаев он күндік құлшылыққа ниет етіп келіп отырған жамағатқа өзінің уағыз-насихатын айтып, иғтикафтың маңыздылығы мен сауабы жайында баяндап өтті.

Айта кетсек, қазіргі уақытта Астана мешіттерінде жамағат иғтикафқа деген ниетпен мешітке келуде. Иғтикаф дегеніміз - жамағатпен намаз оқылатын мешітте оразалы күйде қонақтау демек. Қонақтау иғтикафтың іргелі шартынан болып табылады. Рамазанның соңғы он күндігінде иғтикафта отыру сүннет кифая болып саналады. Өйткені Пайғамбарымыз ﷺ Мәдинаға қоныс тепкен соң оны ешқашан қалдырмай үздіксіз атқарған. Осыған орайда бұл Ардақты Елшіден ﷺ қалған бір дара сүннет болып табылады.