«ӘЗІРЕТ СҰЛТАН» МЕШІТІНДЕ БАЛАЛАРҒА СЫЙЛЫҚТАР БЕРІЛДІ (ФОТО)

Астанадағы «Әзірет Сұлтан» мешітінде балаларға арнайы тәттілер мен сыйлықтар таратылды.

1 маусым – Халықаралық балалар күні мерекесіне орай жасалған игі шараға Астана қаласының өкілі, «Әзірет Сұлтан» мешітінің бас имамы Ерболат Жүсіпов пен ақсақалдар, ақ жаулықты әжелер, мешіттің имам, ұстаздары мен шәкірттері қатысты.

Жиында балаларға арнайы сыйлықтар таратылып, бүлдіршіндердің көкейіне қуаныш пен мерекелік көңіл-күй орнады. Мәз-мейрам күй кешкен балалар, қуаныштарын жасыра алмады. Артынша, ақсақалдарымыз бен ақ жаулықты әжелеріміз балаларға ақ батасын берді.