АСТАНА ҚАЛАСЫНЫҢ МЕШІТТЕРІНДЕ «ПӘТУА САҒАТЫ» ҮЗДІКСІЗ ЖҮРІП КЕЛЕДІ (ФОТО)

Қазақстан мұсылмандары діни басқармасы Астана қаласы өкілдігіне қарасты мешіттерде әр жұма сайын жамағатқа «Пәтуа сағаты» өткізіліп келеді.

Мешіттің дін қызметкерлері Қазақстан мұсылмандары діни басқармасының Шариғат және пәтуа бөлімі тарапынан мақұлданған діни үкімдерді халыққа таныстырып, түйіткілдердің дұрыс шешімін көпшілікке түсіндіреді.

Айта кетсек, «Пәтуа сағатында» мұсылманның күнделікті тұрмыс-тіршілігі мен құлшылығына қатысты көптеген мәселелердің түйіні тарқатылады. Мұндағы басты мақсат – жамағат арасында туындаған шешімін таппай жүрген сұрақтарға жауап беру, көпшілікке шариғи үкімдерді таныстыру.