АСТАНА ҚАЛАСЫ ДІН ІСТЕРІ БАСҚАРМАСЫМЕН БІРЛЕСКЕН ЖОБАЛАР ТАЛҚЫЛАНДЫ (ФОТО)

«Әзірет Сұлтан» мешітінде Астана қаласы Дін істері басқармасы мен ҚМДБ Астана қаласы өкілдігінің дін қызметкерлері бас қосқан жиын өтті.

Жиынға Астана қаласы Дін істері басқармасының басшысы Қайролла Дүйсешұлы, ҚМДБ Астана қаласының өкілі, «Әзірет Сұлтан» мешітінің Бас имамы Ерболат Жүсіпов және елордалық имам, ұстаздар қатысты.

Жиында Астана қаласы Дін істері басқармасы мен Астана қаласы өкілдігінің бірлескен жобалары талқыланып, әлеуметтік желілерде уағыз-насихат таратудың медиа жоспарлары бекітілді. Сондай-ақ, қалада салынып жатқан жаңа діни маңызы бар нысандардың құжаттарын заңдастыру мәселесі де пысықталды.