АСТАНА ИМАМДАРЫ «ТАБИҒАТТЫ АЯЛАУ – АМАНАТ» АКЦИЯСЫН ӨТКІЗДІ (ФОТО)

Астана қаласының Бас имамы Ерболат Жүсіповтің бастамасымен «Астана ботаникалық бағында» «Табиғатты аялау – аманат» экологиялық акциясы өтті.

Ерекше және сирек өсімдіктерді өз ішіне алған жасанды бақтың ішін аралап, құстарға арнайы жем шашты. Сондай-ақ, бақты аралап жүрген қала тұрғындарына табиғатты аялауға, қоршаған ортаны қорғауға арналған сөздер жазылған қалта қағаздарын таратты.

Сондай-ақ табиғатты аялап, қоршаған ортаны таза ұстау да адам баласына жүктелген міндет. Өйткені ислам діні тазалыққа шақыратын дін. Құранда және Пайғамбарымыздың (саллаллаһу аләйһи уә сәлләм) көптеген хадистерінде тазалықтың маңыздылығы жайында айтылған. «Тазалық иманның жартысы» [Мүслим] деген хадис осының бір айғағы.