«АР-РАХМАН» МЕШІТІ 50 МҰҚТАЖ ЖАНҰЯНЫҢ МҰҢЫН БӨЛІСТІ (ФОТО)

Қазақстан мұсылмандары діни басқармасы Астана қаласы өкілдігіне қарасты «ар-Рахман» мешітінде тұрмыстық жағдайы төмен 50 отбасыға қайырымдылық жасалды.

Құлшылық үйінің имамдары әлеуметтік көмекке мұқтаж көпбалалы аналарға уағыз-насихаттары мен демеуін білдіре отырып, күнделікті тұрмысқа қажетті азық-түлік өнімдері салынған арнайы сөмкелерді үлестірді.

Қазіргі уақытта Қазақстан мұсылмандары діни басқармасының «Рамазан-2024» жоспары негізінде Астана қаласы өкілдігіне қарасты барлық мешіттерде қайырымдылық шаралары өтіп келеді.