Eki aı birge turmaýymyz talaqqa jata ma?

Sálemetsizder me? Kúıeýimiz ekeýmizdiń otasqanymyzǵa bir jyldaı ýaqyt ótse de, áli kúnge deıin bir-birimizdi túsinise almaı kelemiz. Bir kúni urys-keris ústinde «ket, kórgim kelmeıdi seni» dedi. Biraq, «talaq» dep aıtqany-aıtpaǵany esimde joq. Men erteńinde úıime ketip qaldym. Arada eki aıdan astam ýaqyt ótti. Bul jaǵdaıdan keıin qaıtyp qosylýymyzǵa bola ma? Aramyzdaǵy neke buzylyp, bir-birimizge bóten bolyp qalmadyq pa? Onyń aıtysyna qaraǵanda, «ajyrasý» oıynda bolmaǵan. Buǵan sizder ne deısizder? Ajar

Ответ

Ýaǵaleıkýmýssalam! Ajar hanym, sharıǵatta eger er adam «talaq» degen sózdi naqty aıtpaı, «ket», «kórgim kelmeıdi», «joǵal bar» degen sekildi sózder aıtsa, onda oǵan birden ajyrasý úkimi berilmeı, onyń nıetine nazar aýdarylady. Eger bul sózder ajyrasý nıetinde aıtylmaǵan bolsa, talaq bolyp eseptelmeıdi[1].

Osyny negizge alsaq, sizderdiń jaǵdaılaryńyzda neke buzylmaǵan bolyp esepteledi. Sondyqtan da, aradaǵy túsinispeýshilikti umytyp, bir-birlerińizdiń qatelikterińizdi keshirip, ary qaraı otbasylyq ómirlerińizdi jalǵastyryńyzdar. Ókinishke qaraı, qazirgi qoǵamda erli-zaıyptylardyń ajyrasýy kóbeıip barady. Kóbine bolmaıtyn bir sebepterdi syltaý etip, janjaldasyp, aqyr sońy ajyrasýmen bitedi. Bul qoǵamdaǵy otbasy qundylyqtarynyń aqsaýyna ákep soǵady. Sondyqtan da, musylman balasy Paıǵambarymyzdyń (s.ǵ.s) otbasyǵa qatysty aıtqan árbir sózin tý etip, shańyraqtyń shaıqalýyna jol bermeýi qajet.