Ақ шашты жұлуға бола ма?

Ассаламу алейкум! Ақ шашты немесе сақалдың ағын жұлуға бола ма? Бұл жөнінде шариғатта не айтылған?

Жауап

Уа алейкум ассалам!

Амр бин Шұғба (р.а.) риуаят еткен хадисте: «Ақ шашты жұлмаңдар, өйткені, ол – мұсылманның нұры. Қайсыбір мұсылман Исламды орындай жүріп, шашына бір тал ақ түссе, оған сауап жазылып, бір дәрежеге көтеріліп, бір күнәсі кешіріледі», – делінген.

Ал, Әнас бин Малик (р.а.) баян еткен бір хадисте: «Кісінің шашынан және сақалынан ақ шашты жұлуы – макрух», – деп айтылады.

Түйіндей айтқанда, шаш пен сақалдағы ақ тал шашты жұлуға болмайды. Ал, хна сияқты табиғи бояулармен түсін өзгертуге рұқсат етіледі.