Aqsham namazyn tórt rákáǵat etip oqyp qoısa, qaıta oqý qajet pe?

Əssələmý əleıkým! Sham namazyn bilmestikpen, tórt rəkəǵat qylyp oqyp qoısa, qaıtadan oqýy qajet pa? Nurbolat

Ответ

Ýaǵaleıkýmássálám ýá rahmatýllahı ýá bárakátýh!

Eger, aqsham namazynyń sońǵy «attahııatý» otyrysyna otyrǵannan keıin, tórtinshini oqyǵan bolsańyz, ol namazdy qaıta oqýdyń qajeti joq. Tórteýdiń úsheýi aqsham namazynyń paryzynan sanalady.

Al, sońǵy otyrysqa otyrmaı, tórtinshini oqyǵan bolsańyz, ol namazdy qaıta oqýyńyz kerek (ýaqyt ótip ketse qazasy óteledi). Óıtkeni, sońǵy otyrysqa otyrý namazdyń paryzynan sanalady. Namazdyń paryzyn tárk etken kisiniń namazy durys emes. Ondaı jaǵdaıda, oqyǵan tórt rákáǵatyńyz nápilge aınalady.

Mundaı jáıtqa tap bolǵan kisi (ıaǵnı, sońǵy otyrysqa otyrmaı artyq rákáǵatqa turyp ketken kisi), bastaǵan artyq rákáǵattyń (sizdiń jaǵdaıda tórtinshi rákáǵat) sájdesine barmaı jatyp qateleskeni esine tússe, birden attahııatý otyrysyna otyrýy kerek: attahııatý duǵasyn oqyp, sáhý sájde jasap, namazyn ádettegideı aıaqtaıdy. Biraq, artyq rákáǵattyń sájdesine baryp qoıǵandaı bolsa, namazy nápilge aınalyp, paryzdy qaıta oqýy lázim.

Eske sala ketsek: úsh ne tórt rákáǵatty namazdyń alǵashqy attahııatý otyrysyna otyrý – ýájip amalyna jatady. Ony abaısyzda tárk etken kisi, namaz sońynda sáhý sájdesin jasaýy tıis. Sońǵy otyrysyna otyrý – paryz. Ony oryndamaǵan kisiniń namazy buzylady.  

Abdýsamat Qasym