Ǵusyl alǵanda birinshi áýret jer jýyla ma əlde aýyz shaıyla ma?

Assalaýmaǵaleıkúm!   Ǵusyl alǵanda birinshi áýret jer jýyla ma əlde aýyz shaıyla ma?

Ответ

Ýaǵaleıkýmassalam!

Ǵusyl quıynardan buryn sýdyń tazalyǵymen qatar, deneniń nájisten taza ekenine kóz jetkizý mindet. Bul degenimiz – ǵusyl quıynardan buryn qolyn jýyp, keıinnen sol qolymen denedegi nájis tıgen jerlerdi nájis ketkenshe jaqsylap jýyp alý kerek.  Nájisti ketirý úshin sabyn, kirezgish (mochalka) sııaqty zattardy qoldansa da bolady. Nájis bolǵan jerdi jýyp alǵannan keıin, qolyn jaqsylap sabynmen nemese basqa da kir eritkish qospalarmen jýý kerek. Bul nárseler tabylmaǵan jaǵdaıda nájisti jýǵan qoldy topyraqqa nemese qabyrǵaǵa úıkeý arqyly tazalaý qajet. Keıinnen namazǵa dáret alǵandaı etip dáret alady, tek aıaǵyn ǵusyldan keıin taza jerge sheginip jýady. Ǵusyl quıynǵanda deneniń barlyq jerine úsh retten sý tıgizedi.

Ǵusyl quıynýdyń basynan aıaǵyna deıingi jasalatyn amaldardy, bizderge Paıǵambarymyzdyń (s.ǵ.s.) jubaıy Máımýna anamyz (r.a.) «Sahıh Býharıde» jetkizgen myna bir rıýaıatymen baıandap bergen bolatyn:

«Men birde Paıǵambarymyzǵa (s.ǵ.s.) ǵusyl sýyn daıyndap bergenimde, Ol kisi (s.ǵ.s.) sýdy oń jaǵyna eńkeıtip (qolyn salmastan) eki qolyn jýdy, sosyn astyn jýyp nájisin ketirdi. Keıinnen qabyrǵadaǵy qyshqa qolyn ysqylady[1], keıinen aýzy-murnyn shaıdy, betin, qolyn shyntaqpen birge jýyp, qalǵan sýdy basynan tómen quıyp barlyq denesin jýdy. Ǵusyl quıynyp bolǵan soń shetke shyǵyp eki aıaaǵyn jýdy[2], - degen.