Syılyq jasaǵanymyz úshin saýap beriledi me?
Assalaýmaǵaleıkým, Muslim.kz saıty! Sizderge Alla razy bolsyn! Jumystaryńyzǵa sáttilik tileımin! Sizderge qoıar suraǵym, bireýge syılyq bergenimiz úshin saýap beriledi me?
Ответ
Ýa aleıkým assalam!
Eki dúnıe sardary Muhammed paıǵambarymyzdyń árbir amal-áreketi – adamzat úshin asyl mura, adastyrmas aqıqat jol ekendigi daýsyz. Endeshe, súıikti paıǵambarymyz jasaǵan árbir amal-áreketti qaıtalaý – bizderdi saýapqa kenelteri sózsiz.
Súnnetterdiń ishindegi eń názigi – syılyq jasaý dástúri. Bul adamdardyń arasynda dostyq pen súıispenshilikti nyǵaıtady. Ábý Hýraıra (r.a.): «Bir-birińe syılyq jasańdar, bir-birińdi jaqsy kóresińder»[1], – degen hadıs jetkizgen.
Osy oraıda syılanǵan zattyń qymbat-arzandyǵyna qaramastan, shyn kóńilmen qabyl alýdyń da paıǵambarymyzdyń (s.ǵ.s.) súnneti ekenin umytpaǵanymyz jón. Alla Elshisi (s.ǵ.s.) jaı qarapaıym zatty syılyq etip berse de qabyldaıtyn. Ánas bın Malık (r.a.): «Paıǵambarǵa (s.ǵ.s.) Barıra ózine sadaqa etip berilgen etti syılady. Sonda paıǵambar (s.ǵ.s.): «Bul et oǵan (Barıraǵa) – sadaqa, al bizge – syılyq», – degen eken»[2].
Bul súnnetti oryndaý úshin asa kóp qarajat jumsaýdyń qajeti shamaly. Kitapsha, gúl, qalamsap sııaqty qarapaıym zattardy shyn yqylaspen ata-anaǵa, áıeline nemese kúıeýine, aǵa-inige syıǵa berý olardyń kóńilin bir marqaıtyp tastaıtyny belgili.
