Áıelim ekeýmiz jamaǵatqa sanalamyz ba?

Assalaýmaǵaleıkým! Namazdy jamaǵatpen oqyǵanǵa 27 ese saýap bar deıdi. Úıde áıelim maǵan uıyp, birge namaz oqımyz. Ekeýmizdiń oqyǵan namazymyz jamaǵat namazyna eseptele ma?  Álibek.

Ответ

Ýaǵaleıkýmsalam, Álibek myrza!

Negizinde namazda ımamnan bólek taǵy bir adam bolsa, ol ekeýi jamaǵat bolyp esepteledi. «Imamǵa uıyǵan jalǵyz adam tek erkek bolýy kerek» degen shekteý joq.

Óıtkeni, ardaqty Paıǵambarymyz (s.ǵ.s.) hadısteriniń birinde: «Eki jáne odan da kóp adam jamaǵat bolyp sanalady»,[1] – degen. Osy hadıske súıene otyryp, Hanafı mázhabynyń ǵalymdary: «...Allanyń Elshisi atalmysh hadıste «eki adam» dep jalpylama aıtqandyqtan, eki adamnyń biri áıel bolsa da, tipti ońdy-solyn tanyp qalǵan jas bala bolsa da, áıteýir ımamnyń artyna turyp namaz oqysa, jamaǵat bolyp sanalady...»,[2] – dep tujyrymdaıdy.