Muharram aıynda Ramazan qazasyn ótesem bola ma?
![](/img/questions/5e6e7f4da55c692cf566225caaf6b867.jpg)
Assalaýmaǵaleıkým! «Bilmeseńder, bilim ıelerinen surańdar» demekshi, sizden surasam bola ma? Aǵa, muharram aıynda ótken Ramazan aıynyń qazalaryn óteýime bola ma? Nursáýle Álimjan.
Ответ
Ýaǵaleıkýmýssalam!
Nursáýle hanym, Ramazan orazasynan qalǵan qazalardy kez kelgen aıda óteýge bolady. Sondyqtan, osy aı, ıaǵnı Muharram aıynda da Ramazan qazasyn óteýdiń esh aǵattyǵy joq. Tipti, Muharram aıynda qazany óteýdiń ózindik artyqshylyǵy bar desek, artyq aıtqan bolmaspyz.
Óıtkeni, hazireti Álıden (r.a) jetken hadıste bir kisi Paıǵambarymyzdan (s.ǵ.s): «Ýa, Rasýlallah! Ramazan aıynan keıin, qaı aıda oraza ustaýyma keńes etesiz?» – dep suraǵanda, Ol (s.ǵ.s): «Ramazan aıynan keıin oraza tutqyń kelse, Muharramda aıynda oraza usta! Shynynda, bul aı – Allanyń aıy. Bul aıda bir kún bar, sol kúni Alla Taǵala keı qaýymnyń táýbesin qabyl etken edi. Qalǵandardyń da táýbesin qabyl etedi»,[1]– dep jaýap bergen.