Boıalǵan shash ǵusylǵa kedergi bola ma?

Sálemetsiz be? Shashymdy 3 jyl buryn sary túske boıatqanmyn. Biraq ol kezde ǵusyldyń qabyl bolmaıtynyn bilgen joqpyn. Ǵusyl men dárettiń qabyl bolmaıtynyn jaqynda estidim. Endi ne isteýim kerek? Odan beri shashtarymdy talaı qıdyrttym, degenmen boıaýdan qalǵan shashtyń ushtary ali bar. Negizi, endi qaıta qıdyrmaımyn dep júrgen edim. Iýsýpova M.

Ответ

Sálemetsiz be! Sharıǵatymyzda shash boıaýǵa ruqsat bar. Oǵan Paıǵambarymyzdyń (s.ǵ.s):

إِنَّ اليَهُودَ وَالنَّصَارَى لاَ يَصْبُغُونَ ، فَخَالِفُوهُمْ

«Rasynda ıahýdıler men hrıstıandar (shashtary men saqaldaryn) boıamaǵan, al sender bolsa olarǵa uqsamańdar»[1] dep, saqal men shashty boıaýǵa ruqsat bergen hadısy dálel bolady.

Búgingi qoldanylyp júrgen boıaýlar erterekte qoldanylǵan qyna boıaýyna uqsaıdy. Ol tyrnaqqa jaǵylatyn boıaý (lak) syndy qalyń qabatty bolmaǵany úshin oǵan tyıym salynbaıdy, sebebi onyń astyna sý tıedi. Sonymen qatar, qoldanystaǵy boıaý keıinnen ózdigimen ketetini úshin ol adamnyń jaratylysyn túbegeıli ózgertý bolyp tabylmaıdy. Degenmen de qazirgi boıaýlardyń hımııalyq quramy zııansyz emes ekenin de eskere ketken jón.

Toqeteri: boıalǵan shash ǵusylǵa kedergi jasamaıdy. Ol úshin shashty qıyp qajeti joq.