Qaı ýaqyttan bastap qurban shalýǵa bolady?
Assalamý aleıkým! Qaı ýaqyttan bastap qurban shalý kerek?
Ответ
Ýa aleıkým assalam!
Qurban aıt tańy atýmen qurban shalý ýaqyty kiredi. Biraq, aıt namazy oqylmaı turyp, mal soıylsa, qurbandyq bolyp eseptelmeıdi.
1. Bara (r.a.) rıýaıaty: «Bul kúni biz eń áýeli namaz oqýmen bastaımyz, sosyn qaıtyp kelip qurban shalamyz. Kim osylaı etse, súnnetimizge saı jasaǵan bolady. Al, aldyn soıyp qoısa, ol bala-shaǵasyna usynǵan et qana bolyp qala beredi. Biraq, qurbandyqqa jatpaıdy[1]»;
2. Bara (r.a.): «Qurban aıt kúni Alla elshisi (s.ǵ.s.) sóz sóılep (qutpa aıtyp): «Bul kúni biz eń áýeli namaz oqýmen bastaımyz. Sosyn qaıtyp kelip, qurban shalamyz. Kimde-kim osylaı etse, (áreketi) súnnetimizge saı kelgeni. Al, kimde-kim namaz oqymas buryn qurban shalsa, ol bala-shaǵasyna asyǵys bergen eti ǵana. Qurbandyq bolyp eseptelmeıdi»,-dedi. Meniń naǵashym Ábý Býrdá bın Nıar turyp: «Ýa, Alla elshisi! Men (aıt) namaz oqymas buryn qurban shalyp qoıdym. Biraq, bir jasar qoıdan artyq toqtym bar»,-dedi. Paıǵambar (s.ǵ.s.): «Ornyna qurban shal, senen keıin eshkimge toqty shalýǵa ruqsat joq[2]»,-dedi.
Alaıda, aıt namazy oqylmaıtyn qystaý sııaqty jerde tań atýmen qurban shalýǵa ruqsat etiledi.
