Basqa sektaǵa kirgen musylmannyń janazasy oqyla ma?

Assalamaleıkým! Basqa sektaǵa kirgen adamnyń janazasy oqyla ma?

Ответ

Ýaǵaleıkýmassalam!

Eger de bir musylmannyń jaqyny basqa dinge kirip dúnıe salǵany belgili bolsa, sektaǵa kirgen jaqynyn musylmansha jýyndyryp, kebindemeıdi, janazasy oqylmaıdy.  Artynan saýap amaldar da baǵyshtalmaıdy. Sebebi, ol pende bundaı amaldarǵa laıyqty bolyp sanalmaıdy. Óziniń kıgen kıimine orap, bólek jerleıdi. Iaǵnı, musylmandardyń zıratyna qoıylmaıdy. Jerlegende de musylmansha aqym qazylmaıdy. Shuńqyrǵa tastaýmen shekteledi.

Musylman jaqyndarynyń bulaı jasaýy - jaqyndyq mindeti, bálkı adamdyq mindeti. Topyraqqa kómý qajettigi - ımansyz ótken máıittiń súıegi ıt-qusqa jem bolmas úshin, qorshaǵan ortaǵa zııan tıgizbeý úshin jasalady.[1] Nemese  ózge din ókilderine  máıitin tapsyrady. Basqa musylmandar ol pendeniń ımansyz, basqa dinge kirip, keıin sol kúıinde qaıtys bolǵanyn bilse qazasyna qatyspaıdy.

Óıtkeni, Alla Taǵala musylmandardy bul amaldan qatań túrde qaıtaryp, Qasıetti Quranda: «(Ýa, Muhammed!) Olardyń máńgilikke (zııan shegip) ólgen birde-bireýiniń janazasyn oqyma hám duǵa etý maqsatynda qabiriniń basyna baryp turma. Rasynda, olar Allany da, paıǵambaryn da moıyndamaı kúpirlik qyldy ári týra joldan taıǵan azǵyn kúıinde óldi», - deıdi («Táýba» súresi, 84-aıat).

Alla Taǵala  barsha musylman otbasyn bundaı baqytsyzdyqtan saqtasyn!

Asqar Muqanov