Namazǵa kedergi keltiretin nájis mólsheri qandaı?

Salam aleıkým. Maǵan dárigerler keı ınelerdi belgilep bergen edi. Osy ınelerdiń izderinen keıde qan bólinip kıimge juǵady. Qan juqqan kıimmen namaz oqýǵa bola ma? Qan ózi nájis bolyp eseptele me?

Ответ

Ýa aleıkým assalam.

Sizdiń suraǵyńyzǵa jaýap berer aldyn nájistiń ekige bólinetinin atap óteıik. Imam Ábý Iýsýf pen Imam Muhammadtyń anyqtamasy boıynsha aýyr nájis – Quran men súnnette nájis ekeni naqty kórsetilgen ári odan saqtaný múmkin bolǵan nárseler. Al, jeńil nájis – nájistiginde qaıshylyǵy bar nárseler.

Qan osy aıtylǵan nájisterdiń aýyryna jatady. Ol – adamnan bólinetin úlken dáret, kishi dáret, iriń, qusyq jáne shahýat sanatynda. Eger onyń mólsheri bir alaqannyń ishki aıasynan aspaıtyn bolsa, namazǵa kedergi keltirmeıdi. Al, odan assa, namazdy onymen oqý durys emes. Bul mólsher Omardyń (r.a): «Eger nájis meniń myna alaqanymdaı bolsa, onda ol namazǵa kedergi keltirmeıdi, assa keltiredi» degen sózine súıengen. Bul alaqan mólsheri dırham nemese dınardyń mólsherindeı dep te kórsetiledi.

Imam Nahaı (r.a) bul mólsherdiń qaıdan shyqqany jaıly bylaı deıdi: «Masa, bıt syndy jándikterdiń qandary men kózge baıqala bermeıtin kishigirim nájistiń namazǵa kedergi jasamaıtynyn biraýyzdan quptaǵan ǵalymdar eger sol nájis mólsherden kóp bolsa, onymen namazdyń oqylmaıtynyna da biraýyzdan kelisken. Endeshe, osy ekeýiniń arasyn bólip-jaratyn mólsher retinde ıstınjanyń[1] kólemimen jýyqtas keledi dep dırham mólsherin tańdady. Olar dırham dep – otyratyn jerge silteme jasaǵan-dy. Sebebi, taspenen ıstınja jasalǵan kezde nájistiń beti ketkenimen, qaldyǵy sol jerde báribir qalady. Mine, sol jerdiń mólsheri dırhammen jýyqtas. Bul jaǵdaıda namaz oqýǵa ǵalymdar biraýyzdan ruqsat bergen. Osydan dırhamnyń mólsherindeı nájiske keshirimniń baryn baıqaı alamyz»[2].

Aıbek Ábdiqadyr
Muslim.kz caıtynyń dinı sarapshysy