Tóbelesip qalsa, oraza buzyla ma?

Assalamaǵaleıkým! Mektep kezinde bizdiń synyptyń oqýshylary men basqa synyptyń oqýshylarynyń arasynda kıkiljiń týyp, tóbelesip qaldy. Sol bir jigitter: "Men tóbelestim. Meniń orazam buzyldy", - dep aýyzdaryn ashyp jiberdi. Osy durys pa? Jalpy tóbelesse oraza buzyla ma? Almas Meniń suraıyn degenim, ashýlanyp kettim de, áıelimdi basynan nuqyp jiberdim. Ol jylap qaldy. Áıelim oraza ustaǵan bolatyn. Sonyń orazasyna zııan tımedi me eken? Orazasy buzyldy ma? Aıdos

Ответ

Ýaǵaleıkýmýssalam! Sizder aıtqan jaǵdaılarda oraza buzylmaıdy. Orazanyń buzylýy úshin adam aǵzasyna syrttan qorektik nárse ishke enýi kerek. Aýyz arqyly taǵam nemese sý kirýi orazany buzady. Tóbelesip qalsa, oraza buzylmaıdy. Al, endi qan josa bolyp, muryn qanap jatsa, aýyzdan ishke ketip qalmaýyn qadaǵalaý kerek. Jalpy, tóbelesý kúná bolady. Orazanyń saýabyn azaıtady.

Paıǵambarymyz (s.ǵ.s.) óziniń tanymal hadısinde: «Kimde-kimniń aýzy berik bolsa, jaman sóz sóılemesin. Daýys kóterip, aıqaı shyǵarmasyn. Bireý oǵan til tıgizse nemese onymen keriskisi kelse oǵan: «Men orazamyn» desin»[1] – degen.