Qaza orazany kelesi jylǵa deıin óteýdiń dáleli bar ma?

Assalamaǵaleıkým! Suraǵym: men bylaı estip edim, qaza bolǵan kúnderdi kelesi jylǵy orazaǵa deıin ustaýǵa bolady dep. Osyǵan dálel bar ma eken? ALLA razy bolsyn sizderge! Jambyl, Mańǵystaý oblysy

Ответ

Ýaǵaleıkýmýssalam, Jambyl! Alla Taǵalanyń Qurandaǵy myna aıatynda: «Eger bireý syrqattanyp nemese saparda júrip sanaýly kúnderin ótkizip, qaza etip alsa, basqa kúnderde óteýlerine bolady...»[1], - degen. Osy aıatta «basqa kúnderi»degen sóz jalpylama ýaqytty bildiredi, ıaǵnı belgili bir ýaqytpen shektemeı «áıteýir bir kúni óteısińder» dep pendelerine jeńildik tanytýda. Osyǵan qaraı, Hanafı mázhabynda ramazan orazasynyń qazasyn óteý ýaqyty shektelmegen. Iaǵnı, kelesi ramazan aıyna deıin nemese úlgermeseńiz odan keıingi ýaqyttarda óteı alasyz. Al, ýaqytty sozbaı tezirek óteýge tyrysý saýapty.

Endeshe, osy ramazannan qalǵan qaryzy bar jandar múmkin bolsa osy aıda ótep tastaǵandary abzal. Oǵan múmkindikteri bolmasa aldaǵy kúnderi bólip-bólip óteýlerine de ruqsat[2].

[1] Baqara – 184-aıat.
[2] Ál-Hıdaıa – 1/320 bet.