Jaınamaz ashyq tursa, shaıtan oqyp ketedi degen ras pa?

Assalaýmaǵaleıkým! Jaınamaz jaıylyp tursa, bir buryshyn qaıyryp qoıyp jatady, sonyń sebebi ne? Keıbireýlerden estýimshe, ashyq turǵan jaınamazǵa shaıtan namaz ketetin kórinedi, sol ras pa?

Ответ

Ýaǵaleıkýmassalam!

Sharıǵatymyz boıynsha jaınamaz ashyq ne jabyq tursyn dep arnaıy bekitilgen úkim joq. Alaıda, siz aıtqandaı, halqymyzdyń arasynda jaınamaz ashyq tursa, bir shetin búktep qoıatyn ádet qalyptasqany ras. Sebebin surasańyz, «shaıtan namaz oqyp ketedi» degen jaýap qaıtarady.

Allanyń qarǵysyna ushyraǵan shaıtannyń «múminderdiń mıǵrajy bolǵan» namazdy oqýy múmkin be? Álbette, joq!

Iaǵnı, bul adamdardyń oıdan shyǵarǵan negizsiz pikiri. Eger jaınamaz juqa bolsa jınap qoıady, al qalyń bolsa tóselip tura beredi. Bir buryshyn qaıyryp qoıýdyń esh qajeti joq.