Er adamǵa aq altynnan saqına taǵýǵa bola ma?

Assalaýmaǵaleıkým! Sizderge mynadaı suraǵym bar, erkekterge altynnan jasalǵan buıym taǵýǵa bolmaıtynyn bilemin. Biraq aq altynnan jasalǵan júzikti taǵý bola ma, sony bilgim keledi. Nemese basqa qymbat metaldan jasalǵanyn. Qurmetpen, Erlan.

Ответ

Ýaǵaleıkýmassalam!

Iıa, ózińiz aıtqandaı asyl dinimizde er adamdarǵa altynnan jasalǵan áshekeı buıymdar taǵýǵa tyıym salynǵan. Bul týrasynda Paıǵambarymyzdyń (s.ǵ.s): «إِنَّ هَذَيْنِ مُحَرَّمٌ عَلَى ذُكُورِ أُمَّتِي  حِلٌّ لِإِنَاثِهِمْ (Rasynda, bul ekeýi[1] úmmetimniń erkekterine – haram, áıelderine –halal)»,[2] – degen hadısin basshylyqqa alamyz.

Al, endi siz aıtqan aq altyn týraly aıtar bolsaq, «aq altyn» dep adamdar keıde taza platınany (Platinum) aıtyp jatady. Eger solaı bolǵan jaǵdaıda, ony taǵýdyń esh tyıymy joq.

Hadıste tyıym salǵan altyn – sary altyn. Ol – adamdar arasynda belgili, ol hımııalyq Elementter kestesinde 79-shy orynda ornalasqan. Al, platına bolsa 78-shi metall. Eki túrli zattyń ataýynyń ortaqtyǵy, zattarynyń da ortaq bolýyn qajet etpeıdi. 

Degenmen, taǵy bir eskeretin jaıt: zergerler arasynda platına men aq altynnyń aıylmashylyǵy bar. Olar aq altyn dep – sary altynnyń platınamen nemese nıkelmen aralasqan qospasyn aıtady. Eger aq altyn dep osy qospa meńzelse, onda bul metaldyń aınalasynda ǵalymdardyń pikiri de ekige aıyrylady. Degenmen, joǵarydaǵy hadıske súıene otyryp, er adam úshin ony taqpaı-aq qoıǵanyn jón dep bilemiz. Eń durysyn Alla biledi.

Aıbek Ábdiqadyr
Muslim.kz saıtynyń dinı sarapshysy