PERIShTELER ÁRBIR QAR (JAŃBYR) TÚIIRShIKTERIN JERGE ALYP TÚSE ME?
Suraq: Perishteler árbir qar (jańbyr) túıirshikterin jerge alyp túse me?
Ответ
Jaýap: Qudaı esh nársege, eshkimge de muqtaj emes. Ol – jalǵyz. Barlyǵy Oǵan muqtaj. Ol – Qudiret Iesi. Jaralǵan árbir bolmys pen oqıǵanyń belgili bir sebebi bar. Qudaı Taǵala árbir nárseni ólshemmen jaratqan.
Jemis-jıdektiń paıda bolýynda jemis aǵashynyń, sút alýda sıyrdyń, bal alýda aranyń orny men mańyzy qandaı bolsa, perishtelerdiń de óz mindetterin oryndaýdaǵy mańyzy sondaı. Sondaı-aq, Allany ulyqtaý, tasbıh aıtý, jaratylys sheberligin, onyń kórkemdigi men mánin oılaý, qulshylyq jasaý úshin mindettelgen perishteler de bolady.
Mysaly, Jábireıil perishte – perishtelerdiń eń úlkeni. Ol Alla men paıǵambarlardyń arasynda elshi bolýǵa mindettelgen. Qudaıdyń qasıetti kitaptaryn paıǵambarlarǵa jetkizedi. Qurandy Muhammed paıǵambarǵa (s.ǵ.s.) jetkizgen de osy perishte.
Israfıl perishte – qııamettiń ornaýy men adamdardyń ólimnen soń qaıta tirilýine jaýapty perishte.
Ázireıil perishte dám-tuzy taýsylǵan adamdardyń janyn alýǵa mindettelse, tabıǵat qubylystaryn (jańbyrdyń, qardyń jaýýy, jeldiń esýi, jerden egin ósip shyǵýy sııaqty t.b.) basqaryp, tártipke keltirip turý mindeti Mıkaıyl esimdi perishtege júktelgen. Bul perishte joǵaryda aıtqanymyzdaı tabıǵattaǵy qubylystardyń barlyǵyna jaýapty. Osydan bolsa kerek, keıbir azamattar árbir jańbyr men qar túıirshikterin jer betine alyp túsetin perishteler bar dep qate túsinse kerek.
Negizinde perishtelerdi de, qar men jańbyr túıirin de jaratqan Alla.
Jalǵas SADÝAHASULY
Автор: Қожанов Қасым
