Jeńgeme úılensem bola ma?

Qazaqtyń uly aqyny Abaı Qunanbaev inisi qaıtys bolǵannan keıin onyń áıeline úılendi dep oqyǵanmyn. Sharıǵat buǵan qalaı qaraıdy? Jalpy bul durys pa? 

Ответ

Durys aıtasyz, Abaı Qunanbaev inisi Ospan dúnıe salǵan soń onyń jubaıy Erkejanǵa úılendi. Qazaqtyń bul dástúri ámeńgerlik dep atalady. Osy dástúr boıynsha, bir erkek qaıtys bolǵanda onyń baýyrlarynyń biri marqumnyń jesirine úılenip, bala-shaǵasyna qamqor bolady. Qazaqtar jaıly «jesirin qańǵyrtpaǵan» degen sóz bar, ıaǵnı, qazaqtar jesir qalǵan áıelderdi, olardyń bala-shaǵalaryn jetimsiretip, jáýdiretip qoımaı, ózderiniń áýletterinde saqtap qalyp, baǵyp-qaǵyp, qamqorlyq jasaıtyn bolǵan.

Sahabalar men tábıǵınderdiń arasynda da osyndaı dástúr bolǵan. Máselen, Paıǵambarymyzdyń (s.ǵ.s) nemeresi Ýmmý Kýlsým (r.a) kúıeýi Mýhammad ıbn Djáǵfár (r.a) qaıtys bolǵannan keıin onyń baýyry Abdýllah ıbn Djáǵfárǵa (r.a) turmysqa shyqqan. Sol sebepti, mundaı neke sharıǵat turǵysynan da, jalpy adamzattyq qundylyqtar turǵysynan da quptalady.

Buryn qazaqtarda balalar úıi jáne jezókshelik degen uǵymnyń bolmaýynyń sebebi de osy shyǵar.  

Jaýap bergen: Maqsatbek Qaırǵalıev