Qadir túni Ramazannyń qaı túni?

Qadir túni Ramazanyń qaı túninde?

Ответ

Qadir túniniń qaı túnge sáıkes keletindigi tek qana Alla Elshisine (oǵan Allanyń salaýaty men sálemi bolsyn) ǵana bildirilgen. Alaıda árbir isti belgili bir hıkmetpen, danalyqpen jaratqan Alla Taǵala Paıǵambarymyzǵa ol túndi umyttyrǵan. Dese de, ardaqty Paıǵambarymyz (oǵan Allanyń salaýaty men sálemi bolsyn) óziniń kóptegen hadısterinde qadir túnin ramazan aıynyń sońǵy on kúndiginde jáne sol on kúndiktiń taq túnderinen izdeýimizdi buıyrǵan. Iaǵnı qadir túni ramazan aıynyń 21, 23, 25, 27, 29 kúnderi bolýy ábden múmkin. Taq túnderge baılanysty sahaba Abdýlla ıbn Omardan (Alla oǵan razy bolsyn) birneshe jolmen jetken sahıh hadısinde Paıǵambarymyz (oǵan Allanyń salaýaty men sálemi bolsyn): «Qadir túnin Ramazannyń 27-túni izdeńder», – degen (Buharı, Múslım). Osy syndy hadısterge súıengen kóptegen ǵalymdar, ásirese Orta Azııa musylman jurty osy túni qadir túni bolýy ábden múmkin degen boljam jasaǵan. Alaıda, qadir túniniń naqty qaı tún ekendigi tek bir Allaǵa ǵana aıan. Paıǵambarymyz (oǵan Allanyń salaýaty men sálemi bolsyn) ramazannyń sońǵy on kúndiginde qulshylyqqa erekshe berilip, ıǵtıkafqa kiretin edi degen. Iǵtıkaf – qulshylyq maqsatymen meshitte oqshaýlaný. Aısha anamyzdyń (Alla oǵan razy bolsyn) sózderin eskersek, ramazan aıynyń sońǵy on kúninde, Qadir túni 57 ásirese taq túnderinde qulshylyqqa erekshe den qoıǵan jón. Sonda sońǵy on kúndiktiń ishindegi taq túnderiniń birine sáıkes kelý yqtımaldyǵy joǵary bolady.