Jubaılar úılener aldynda jasaǵan zınalaryn aıtýǵa mindetti me?

Erli-zaıyptylardyń biri jasaǵan zınasy týraly úılenerdiń aldynda aıtýǵa mindetti bola ma?

Ответ

Islam dini sharıǵat boıynsha adamnyń aıybyn ashýdy qalamaıdy, kerisinshe ony jasyrýǵa tyrysady. Jasalǵan kúnány jáne ony jasaǵan adamdy sharıǵatta da jasyrady. Paıǵambarymyz (s.ǵ.s.): «Eger kimde-kim osy dúnıeniń kúnálarynyń birin jasasa, Alla ony ashpaıynsha ony jasyrsyn. Allaǵa táýbe etsin, Alla onyń táýbesin qabyl etedi», – degen.

Sondaı-aq, kúıeýi áıeliniń ótken ómirin qazbalap, qandaı bolǵanyn aıtyp berýin talap etýi durys emes. Áıel de oǵan jaýap berýge mindetti emes.

Áıeldiń de kúıeýinen zına jasaǵany, jasamaǵany týraly aıtýyn talap etýi durys emes. Tipti, erli-zaıyptylardyń biri qazynyń aldynda zına jasaǵanyn moıyndaǵan kúnniń ózinde qazy: «Sen umytyp, qatelesip, shatasyp tursyń» degen sııaqty sózdermen raıynan qaıtarýǵa áreket etýge tyrysýy kerek. Buǵan Paıǵambarymyzǵa (s.ǵ.s.) bir kisi kelip zına jasaǵandyǵyn aıtqan kezde oǵan: «Múmkin sen ony súıgen bolarsyń, múmkin qolyń tıgen bolar...», – degen sózderi dálel.