Áıeldiń mahramdarynyń aldynda qaı jerleri áýret sanalady?
Áıel adamnyń er adamdardyń, áıelderdiń, mahramdarynyń arasyndaǵy áýret jerleri qandaı?
Ответ
Eriniń janynda: Erli-zaıyptylar, ıaǵnı nekesi qıylǵandar bir-birlerine erkin qaraı alady. Neke qııý arqyly jaqyndasý – sharıǵatta ruqsat, biraq uıatty jerlerine qaramaý ádeptilikke jatady. Hazireti Aısha: «Men Paıǵambardyń uıatty jerlerine eshqashan qaramadym» dese, basqa bir derekte: «Onyń uıatty jerlerin kórmedim. Ol da meni kórmedi»,205 – deıdi.
Mahram (jaqyn) týystarynyń ortasynda: Áıel ákesi, balasy, erkek baýyrlary jáne kúıeý balalary sııaqty aralarynda úılenýge bolmaıtyn týystarynyń janynda qol, aıaq, shash, qulaq, moıyn jáne tizeden tómen jerlerin asha alady. Olardyń da osylarǵa qaraýy – halal, óıtkeni olarmen birge turý, úı sharýasyna qaraýda eshqandaı keleńsiz jaǵdaıdyń bolýy múmkin emes. Ishin jáne arqasyn asha almaıdy. «Sen maǵan anamnyń arqasy sııaqtysyń» degen aıatta da ananyń arqasyna nazar aýdartýda. Sondyqtan ananyń arqasy jáne osyǵan uqsas ishki jaǵy da jaqyndarynyń aldynda áýret jeri sanalady.
Áıelderdiń áıelder arasyndaǵy áýret jeri – kindik pen tizeleri arasyndaǵy jerler. Musylman áıel, múshrik, ateıst áıeldiń janynda búrkenishin asha almaıdy. Tipti hrıstıan bir áıeldiń musylman bir áıeldiń betinen súıýin ıakı onyń áýret jerine qaraýyn mákrúh sanaǵan. Hazireti Omardyń qolbasshy Ábý Ýbáıda ıbn ál-Jarrahqa jazǵan bir hatynda «Zımmát áhli (musylman emes) áıelder musylman áıeldermen birge monshaǵa kirgenderi týraly habar estidim. Olarǵa tosqaýyl jasa. Óıtkeni olardyń musylman áıeldi jalańash kórýine bolmaıdy», – deıdi. Abdýllah ıbn Abbas sebebin túsindirip: «Musylman áıeldi oramalsyz otyrǵanyn áhli kitaptyń áıelderi kórýine bolmaıdy, sebebi olar musylman áıelderdiń osy halderin erlerine aıtyp barýy múmkin»,- deıdi.
Bóten erlerdiń aldynda: Musylman áıel bóten erlerdiń aldynda júzi jáne bilekterine deıingi qoldary jáne aıaqtarynan ózge denesiniń barlyq jerleri áýret sanalady. Myqty kózqarasqa qaraı aıaqtary da ashyq bolsa bolady.
Zárý jaǵdaıda, ıakı emdelgende: Emdelý sekildi zárý jaǵdaıda er kisige de áıelge de dáriger jáne ıne salýshy meıirbıkelerdiń qaraýyna bolady. Al, áıelder gınekologııa máselesinde óz dárigerlerin izdep tapqany jón. Áıel gınekolog turǵanda er dárigerge barýy haramǵa jatady.
"Otbasy ǵylymhaly" kitabynan
