ER MEN ÁIEL BIR QATARDA TURYP NAMAZ OQI ALA MA?

22 jeltoqsan 2022 6688 0
Оqý rejımi

Áıel namazda ımamǵa uıyǵanda er adamnan araqashyqtyǵy qandaı bolýy kerek? «Er adam áıel adammen bir qatarda namaz oqı almaıdy» deıdi, biraq ınternette erli-zaıyptylardyń birge namaz oqyp jatqan fotolar kóp. Naqty jaýap kútemin.


Ответ

Paıǵambarymyz (oǵan Allanyń salaýaty men sálemi bolsyn) bir kishkentaı sahabamen namaz oqyǵan kezde ony oń jaqtan turǵyzdy, al úlken jasty áıeldi artyna turǵyzdy, - degen hadıs bar. Sondyqtan, birinshi sapta er kisiler, sosyn kishkentaı er balalar keıin áıelder turýy kerek. Al oryn bolmaı, namaz oqıtyn jer tarlyq etken jaǵdaıda áıel kisiniń aıaǵy er kisiniń ókshesinen aspaıtyndaı deńgeıde artta turýy kerek. Bul múmkindik bolmaǵanda jasalady. Negizinen, áıel kisiniń tolyqqandy artqy sapta turýy – eń abzaly.

Er men áıel bir qatarda turyp namaz oqysa, namaz buzylady.

Bul jóninde ımam Qazıhan: «Áıel úıinde kúıeýimen birge namaz oqyǵanda ekeýiniń aıaqtary bir qatarda bolsa, ekeýiniń jamaǵat bop oqyǵan namazy durys emes. Áıeldiń aıaǵy kúıeýiniń ókshe tusynda tursa, durys bolady. Sájde jasaǵanda áıeldiń uzyn boıly bolǵandyǵy sebepti kúıeýiniń basymen deńgeıles kelse, namaz buzylmaıdy. Óıtkeni, eskeriletin jáne mán beriletin dene múshesi – basy emes, aıaq...», – deıdi.

 

muslim.kz

Pіkіrler Kіrý