Zeketti týysqandarǵa berýge bola ma?

Assalaýmaǵaleıkým! Zeketimdi jaqyn týystaryma bersem bolady ma? 

Ответ

Zeket – mal-múlki nısap mólsherine jetpegen muqtaj kisilerge beriledi. Sondaı-aq, tipti paqyr bolsa da zeketti berýge ruqsat etilmegen jaǵdaılar bar. Naqty aıtqanda, zeketti óz ata-anamyzǵa, jubaıymyzǵa jáne balalarymyz ben nemerelerimizge bere almaımyz. Sebebi, bul kisilerge zeket emes, nápaqa berilýi tıis.

Al týǵan-aǵaıyn týystar, ápke-qaryndastar jáne joǵaryda aıtylǵandardan basqa jaqyndar bul sanatqa kirmeıdi[1]. Eger bular muqtajdardyń qatarynda bolsa, olarǵa zeket berýge ruqsat etiledi. Oǵan qosa bul zekettiń saýabymen qatar týystyq qatynasty nyǵaıtýdyń saýaby da beriledi. Alla Elshisi (oǵan Allanyń salaýaty men sálemi bolsyn) bul jaıynda:

 الصدقة على المسكين صدقة، وهي على ذي الرحم اثنتان؛ صدقة وصلة

«Qandaı da bir miskinge sadaqa berý – bir sadaqa (esebinde). Al ony tuǵan týysqa berý – eki sadaqa (esebinde): sadaqa berý ári týystyq qatynasty nyǵaıtý»[2], – degen.

Imam Tahtaýı: «Zeketti jaqyn týystarǵa bergen abzal. «An-Nahr» atty kitapta bylaı delingen: «Eń jaqsysy zeketti muqtaj bolǵan týǵan aǵaıyndarǵa, sosyn olardyń balalaryna, odan keıin kókelerine, sodan soń naǵashylaryna, sosyn basqa týystaryna, sodan keıin kórshilerine berý»[3], – degen derekti keltiredi.

Demek, zeketti paqyr týǵan aǵaıyndarǵa berý - dinimiz quptaıtyn amaldarǵa jatady. Basqa muqtajdardan qaraǵanda jaǵyndardyń orny erekshe ári olarǵa beriletin qaır sadaqanyń saýaby molyraq.

Darhanuly Tamırlan
Nur-Sultan qalasynyń pátýaǵa jaýapty mamany

Автор: Muslim.kz порталы