Qan tapsyrýdyń sharıǵı úkimi qandaı?

Assalamý aleıkým! Qan tapsyrý sharıǵat boıynsha qaıyrymdylyq etýge jata ma?

Ответ

Ýa aleıkým assalam!

Musylmannyń óz baýyryna járdem etýdiń eń jaqsy joldarynyń biri – qan tapsyrý. Qan tapsyrý arqyly, ásirese, tótenshe jaǵdaıda jedel járdemge muqtaj jandarǵa kómektesý – eń qaıyrymdy istiń biregeıi. Bul izgi amal adamdarǵa ómir syılaýǵa úlken sebep. Quran Kárimdegi: «... Kim kisi óltirmegen ne jer betinde buzǵynshylyq jasamaǵan bir adamdy óltirse, shyn máninde, ol adamdardyń barlyǵyn óltirgendeı bolady, al kim ony tiriltse, adamdardyń barlyǵyn tiriltkendeı bolady...»[1], – degen aıat sonyń aıǵaǵy.

Hadıste: «Kimde-kim baýyryna kómek etýge murshasy bolsa, qol ushyn bersin»[2], – dep aıtylǵan. Degenmen, qan tapsyrý adamnyń óz densaýlyǵyna keri áserin tıgizbeıtinine kóz jetkizgeni jón.

Paıǵambarymyzdyń (s.ǵ.s.) Ábý Hýraıra (r.a.) jetkizgen mynadaı hadısi taǵy bar: «Kimde-kim musylmannyń bul dúnıedegi ýaıym-qaıǵysyn seıiltse, Alla onyń qııamettegi bir ýaıym-qaıǵysyn seıiltedi. Qıyndyqqa tap bolǵannyń jaǵdaıyn jeńildetýshige Alla bul dúnıe men qııamette jeńildik beredi... Baýyryna qol ushyn berip turýshy pendege de Alla óz járdemin toqtatpaıdy»[3].

Qarjylaı sadaqa berip, qaıyrymdylyq etýdiń qanshalyqty saýap ekeni belgili. Mundaı izgi amaldyń qaıyrymy jeti júz esege deıin eselep beriledi. Tipti, odan da asyryp beriletindigi aıtylady. Al, qan tapsyrýdyń saýaby sadaqa berýden de joǵary. Óıtkeni, bul – adamǵa ómir syılaýmen para-par. Al, adam ómiriniń mal-dúnıeden áldeqaıda qymbat ekenin aıtpasa da bolady.  Alla Taǵalanyń jaratylysyna jaqsylyq jasaý – asa mol saýaptyń kózi. Tipti, janýar ekesh janýarǵa jasalǵan jaqsylyq sebepti jánnattyq bolǵandar jaıly hadıster buǵan kýá. Al, musylmannyń ómirin saqtap qalýǵa sebepshi bolýdyń orny áldeqaıda joǵary ekeni daýsyz.

Автор: Muslim.kz порталы