Jaman tús kórgende qandaı amaldar jasaý kerek?

Adam jaman tús kórip, shoshynyp oıanǵanda ne isteýi kerek?

Ответ

Tús kórý syry – áli tolyq ashylyp bitpegen erekshe qubylys. Tústiń keıbiri adam esinde anyq qalsa, endi bireýi múlde este saqtalmaıdy. Tús - Rahmanı tús, shaıtanı tús jáne qııalı tús bolyp úsh túri bolatyny týraly hadısterde aıtylǵan.

Osy oraıda, jaman tús kórgen jaǵdaıda qandaı amaldar jasaımyz degen suraqqa paıǵambarymyzdyń (s.ǵ.s.) hadısterinen jaýap izdep kórsek:

Ábý Qatadadan (r.a.) jetken hadıste «Paıǵambarymyz (s.ǵ.s.) bylaı deıdi:

الرُّؤْيَا الصَّالِحَةُ مِنَ اللَّهِ وَالْحُلُمُ مِنَ الشَّيْطَانِ فَإِذَا حَلَمَ أَحَدُكُمْ حُلُمًا يَخَافُهُ فَلْيَبْصُقْ عَنْ يَسَارِهِ وَلْيَتَعَوَّذْ بِاللَّهِ مِنْ شَرِّهَا فَإِنَّهَا لا تَضُرُّهُ  

«Igi tús (nemese basqa bir rıýaıatta «jaqsy tús» delingen) – Alladan, al jaman tús – shaıtannan. Kimde-kim jaman tús kórse, sol jaǵyna aqyryn túkirip, shaıtannyń kesirinen Alladan pana tilesin. Osylaı istese, kórgen túsinen oǵan eshqandaı zııan kelmeıdi».[1]

Basqa bir hadıste:

 إِذَا رَأَى أَحَدُكُمُ الرُّؤْيَا يُحِبُّهَا فَإِنَّهَا مِنَ اللَّهِ فَلْيَحْمَدِ اللَّهَ عَلَيْهَا وَلْيُحَدِّثْ بِهَا وَإِذَا رَأَى غَيْرَ ذَلِكَ مِمَّا يَكْرَهُ فَإِنَّمَا هِيَ مِنَ الشَّيْطَانِ فَلْيَسْتَعِذْ مِنْ شَرِّهَا وَلا يَذْكُرْهَا لِأَحَدٍ فَإِنَّهَا لَنْ تَضُرَّه

«Sender jaǵymdy tús kórseńder, ol – Alla Taǵaladan. Alla Taǵalaǵa shúkirshilik aıtyp, kórgen tústerińdi áńgimelep berińder. Al, unamaıtyn tús kórseńder, ol shaıtannan, kórgenniń jamandyǵynan saqta dep Alla Taǵalaǵa jalbarynyńdar. Jaman tústi eshkimge aıtpańdar, óıtkeni senderge onyń eshbir zııany tımeıdi»,[2] – dep aıtylǵan.

Taǵy bir hadıste «Paıǵambarymyz (s.ǵ.s.) bylaı deıdi:
 إذَا رَأَى أَحَدُكُمُ الرُّؤْيَا يَكْرَهُهَا فَلْيَبْصُقْ عَنْ يَسَارِهِ ثَلَاثًا وَلْيَسْتَعِذْ بِاللَّهِ مِنَ الشَّيْطَانِ ثَلَاثًا وَلْيَتَحَوَّلْ عَنْ جَنْبِهِ الَّذِي كَانَ عَلَيْهِ

«Jaman tús kórgen adam oıanǵan soń sol jaǵyna úsh ret túkirip, shaıtannyń jamandyǵynan saqtaný úshin Allaǵa sıynsyn. Sonda tús oǵan zııan keltirmeıdi»,[3] – degen.

Jaman tús kórgen adam paıǵambarymyz (oǵan Allanyń salaýaty men sálemi bolsyn) súnnetinde kelgen «Fatıha», «Yqylas», «Fálaq», «Nás» jáne «Aıatýl-Kýrsıdi» oqyp oń jaqpen jatqan jón.

Aıtýǵan Toıbazar
«Qyzyljar» ortalyq meshitiniń naıb ımamy

Автор: Muslim.kz порталы