Jas jigitti ata-anasy úılendirýge mindetti me ?
Jas jigitti ata-anasy úılendirýge mindetti me?
Ответ
Úılendirý ata-ananyń boryshy. Ondaǵan jyldar boıy qudaısyzdar bılik qurǵan materıalıstik ıdeologııanyń yqpalynda kelgen qazaq qoǵamynda musylmandyq tanym-nanymǵa, ádet-ǵurypqa múlde sáıkes kelmeıtin keraǵar, keritartpa ádetter paıda boldy. Solardyń biri – ómirlik jar tańdaý atty mańyzdy máseleniń eshbir tájirıbesiz, balań da albyrt jigitter men eshteńeden habarsyz qyzdardyń ózderine qaldyryp, osy jaýapkershilikti ata-analardyń múlde sezinbeýi deýge bolady. Bul máselede ata-analardyń basym bóligi: «Jastar ózderi biler, ózderi shesher», nemese «ózi unatqanyn alsyn, unatqanyna shyqsyn» degen pikirdi ustanady. Munyń arty keıbir kezderi orny tolmas ókinish týdyryp jatatyny jasyryn emes. Al, shyntýaıtyna kelsek, sharıǵat zańy boıynsha ulyna laıyqty kelin, qyzyna laıyqty jar taýyp berip úılendirý, turmys qurǵyzý – ata-ananyń per-zent aldyndaǵy boryshtarynyń biri.
Imam Baıhaqıdyń sahabalar Ábý Saǵıd ál-Hýdrı men Ibn Abbastan (Alla ol ekeýine razy bolsyn) jetkizgen bir rıýaıatynda Allanyń Elshisi (Allanyń oǵan salaýaty men sálemi bolsyn): «Kimniń balasy týylsa, oǵan jaqsy at qoısyn, jaqsy tárbıe bersin, balıǵat jasyna jetkende úılendirsin. Eger balıǵat jasyna jetkeninde ony úılendirmeı, ol kúnáǵa urynyp qalsa, onyń kúnási ákesine jazylady», - degen.
Paıǵambar (Allanyń oǵan salaýaty men sálemi bolsyn) basqa bir hadısinde bylaı deıdi: «Balalardyń áke-sheshesindegi aqysy úsheý: 1. Týylǵannan keıin jaqsy esim berý. 2. Balıǵat jasyna kelgende Allanyń Kitabyn úıretý. 3. Úılený shaǵyna jetkennen keıin úılendirý».
