Imanymdy qalaı kúsheıtsem bolady?

Assalaýmaǵaleıkým! Imandy ne nárse álsiretedi jáne ımandy kúsheıtýdiń joldary ne? Kókenova Tolǵanaı  

Ответ

Ýa aleıkým assalam!

Imam Ábý Jaǵfar át-Tahaýı (r.a.) aqıda eńbeginde: «Iman bireý. Senim negizinde ıman etýshiler teń. Olardyń arasyndaǵy aıyrmashylyq Alla Taǵaladan qorqýda, taqýalyqta, nápsige boıusynbaýda jáne birinshi kezektegi amaldarda berik turýda[1]», – dep aıtqan.

Demek, ımanshart turǵysynda paıǵambarlar men jaı pendeler, ıman etken adam balasy men perishteler bir dárejede. Iaǵnı, Alla Taǵalaǵa jáne kórkem sıpattaryna senýde olardyń arasynda bireý tutastaı, al ekinshisi jartylaı senedi degen túsinik joq.

Alaıda, hadısterde: «Iman jetpis birneshe tarmaq, onyń eń bıigi lá ıláha ılla Allah, al tómeni joldaǵy kedergini alyp tastaý[2]» jáne «Kúshti musylman Alla Taǵala quzyrynda álsiz musylmannan jaqsyraq[3]»,-dep aıtylǵandaı musylman ımany kúshti nemese álsiz bolýy yqtımal.

Bul musylmannyń amalyna baılanysty. Al, amal jaǵynan adam namaz oqý, oraza tutý sııaqty birinshi kezektegi paryzyna berik bolýy, sonymen qatar árbir is-áreketi Quran men súnnetke saı kelýi kerek. Al, amalyn shynaıy yqylaspen oryndaýy júregindegi ımandy kemeldendire túsedi. Iaǵnı, amalyna taqýalyǵy joldas bolsa ımany kúsheıe bermek. Óıtkeni, paıǵambarymyz (s.ǵ.s.): «Arabtyń arab emesten, al aq tándiniń qara tándiden taqýalyqtan basqa aıyrmashylyǵy joq[4]»,-degen.

Al, taqýalyq paryz amaldarǵa erekshe muqııattylyqty jáne kúná amaldardan asa saq bolýdy bildiredi.

Sonymen qatar, Ábý Hýraıra (r.a.) rıýaıat etken: «Musylmandardyń kámil ımandysy – eń kórkem minezdisi...»,-hadısinde aıtylǵandaı musylmannyń ımanyn kúsheıtip, ony kemeldendiretin amaldyń biregeıi minez-qulyqty túzetý.

[1]Sharh aqıda át-Tahaýıa, 101-bet
[2] Át-Taj ál-Jamı lıl ýsýl lı ahadıs rasýl, 1-tomy, 27-bet
[3] Mýslım, 2664, Ibn Majah 79/4168, Ahmad 2/366
[4]Ahmed, 5/411