«Kreshenskıe morozy» sýǵa túsýge bola ma?

Assalamý aleıkým! Qystyń aıaz kúnderi «kreshenskıe morozy» bastaldy dep ózenderdiń muzyn oıyp, sýǵa túsip jatady. Bul, árıne, hrıstıan dinimen tyǵyz baılanysty ekenin bárimiz bilemiz. Bul jóninde bizdiń dinimizde ne aıtylǵan?

Ответ

Ýa aleıkým assalam!

Qazaqta jazdyń jáne qystyń shildesi degen uǵym bar. Qazirgi ýaqytta tildik qoldanystan túsip, kómeskilenip bara jatqan bul uǵymdardyń shyǵý tegine úńilsek, tabıǵattaǵy ár qubylysty qalt jibermegen ata-babalarymyzdyń danalyǵyn ańǵaramyz. Jaz shildesi shyqpaı, aptap kún ystyǵy basylmaıdy, al qys shildesi shyqpaı, aıazdyń beti qaıtpaıdy. Osyǵan oraı, jaz shildesi maýsym, shilde aılarynda bastalyp, qyryq kúnge sozylady.

Al, qys shildesi dep qańtar aıyndaǵy tabıǵattyń qaharyna minip, saqyldaǵan aıazdyń kúsheıe túsetin kezin aıtamyz. Aspan álemin astronomdardan artyq bilgen ata-babalarymyz Úrker juldyzynyń dál tóbege qaraı shyrqaı kóterilýine – Qys shildesiniń «Sary Aıazy» dep ataý bergen.

Tabıǵattyń osy qubylysynyń qupııasy dinimizde bylaı túsindiriledi. Ábý Hýraıra (r.a.) rıýaıat etken hadıste: «...Tozaq Rabbysyna shaǵymdanyp: «Ýa, Rabbym! Men óz-ózimdi jep bara jatyrmyn», – deıdi eken. Sonda tozaqqa jylyna eki ret: qysta bir dem, jazda bir dem shyǵarýǵa ruqsat etiledi. Bul senderdiń jazdaǵy sezetin aptap ystyqtaryń men qysta sezetin qaqaǵan aıaz[1]», – delingen.

Al, sharıǵatymyzda ózge dinı nanym-senimderdi quptaýǵa qatań tyıym salynǵan. Bul jaıynda Abdýlla ıbn Omar: «Kim bir qaýymǵa uqsasa, solardyń biri bolady[2]», – degen hadısti rıýaıat etken.

Rýslan Kambarov

[1] Buharı, Mýslım
[2] Ábý Dáýid.