Dúnıelik maqsatty kózdep sadaqa berýge bola ma?
Assalamý aleıkým! Qıynshylyqtan qutylý, shıpa tileý nemese nesibesi kóp bolý úshin sadaqa berýge bola ma? Sadaqamen nesibelerińdi jaýdyryńdar degen maǵynadaǵy hadıs durys pa?
Ответ
Ýa aleıkým assalam!
Sadaqa berýdiń syrlary jaıly kóptegen hadıster bar. Máselen, Paıǵambarymyz (s.ǵ.s.): «Rızyq-nesibeni sadaqa berýmen (kókten) túsirińder[1]», – degen. Taǵy bir hadıste: «Sadaqa berýmen berekege bólenińder. Anyǵynda, pále-synaq sadaqamen birge kelmeıdi», – delingen.
Hadısterde sadaqa jasaýǵa úndep, onyń mol saýaby men paıdasyn baıan etedi. Al, paıdasy tek aqyrettik saýappen shektelmeıdi. Sadaqanyń dúnıelik te paıdasy bar. Sadaqa dertten saýyǵýǵa, pále-qıynshylyqtardy qaıtarýda jáne qaıǵynyń seıilýine áserin tıgizedi.
Imam Mýnaýı «Naýqas adamdaryńdy sadaqa berýmen emdeńder[2]» degen hadıs jaıly: «Dárigerlik eki túrli: tánge jáne janǵa qatysty. Paıǵambar (s.ǵ.s.) áýelgisin joǵaryda atap, ekinshisi naýqasty sadaqa berý arqyly emdeýge úıretedi. Osylaısha, qaıǵyǵa túsken, eńsesi qulaǵan adamdarǵa járdem berýdiń de sadaqa esepti ekenin eskertýde. Muny júzege asyrǵan adamdar rýhanı shıpanyń dári-dármekterdiń dármeni jetpegen nárseni isteıtindigin kórdi[3]», – deıdi.
Demek, dúnıelik maqsattardy nıet etip sadaqa berýdiń esh ábestigi joq. Degenmen, musylmannyń sadaqa berý arqyly aqyrettik saýapqa kenelýdiń kózdegeni abzal.
