Ǵusylsyz adamnyń úıine perishte kirmeıtini ras pa?

Assalamý aleıkým! «Perishteler ǵusyl quıynbaǵan adamnyń úıine kirmeıdi» degendi qalaı túsinýge bolady? 

Ответ

Ýa aleıkým assalam!

Álı bın Ábý Tolıb (r.a.): «Perishteler sýret, ıt jáne júnip adam bar úıge kirmeıdi»,[1] – degen hadıs jetkizgen.

Hadıstegi «júnip adam» sózi ǵusyl quıynýǵa nemquraıly qaraýshy adamǵa qaratyla aıtylǵan. Ádette, mundaı adam namazdy óz ýaqytynan keshiktirip oqıdy. «Perishteler kirmeıdi» degeni meıirim jáne bereket perishteleri meńzelip tur. Al, amal jazýshy perishteler júnip adamdy da basqany da tastap ketpeıdi»[2].

Qolaıly jaǵdaı bolsa, lezde ǵusyl quıynǵan jón. Alaıda, bul úzirli sebepterge baılanysty namaz ýaqytyna deıin ǵusyl quıynýdy keshiktirgenderge emes, jalpy ǵusyl quıynbaıtyndarǵa qatysty aıtylǵan.

Qoryta aıtqanda, ǵusyl quıynýdy keshiktirý de óz kezeginde namazdy keshiktirýge nemese oqymaýǵa alyp kelgendikten sharıǵat turǵysynan tyıym etiledi.  Sondyqtan, musylman balasy ǵusyl quıynýǵa asyqqan jón.