Zilzala kezinde qutqarý jumystaryna qatysqan bosqyn marapattaldy

Túrkııa respýblıkasynyń Densaýlyq saqtaý mınıstri Fahrettın Hodja jáne Ishki ister mınıstri Sýleıman Soılý jer silkinisi kezinde jankeshtilik tanytyp, búkil bir januıany qutqaryp qalǵan sırııalyq jigitpen arnaıy kezdesti.

Haberturk gazeti habarlaǵandaı, Mahmýd ál-Osman esimdi sırııalyq jigit zilzala kezinde úıindi astynda qalǵan Dıýrdon jáne Zıýlkıýf Aıdynnyń daýysyn estip, jalań qolmen qazyp alyp shyqqan.

Qos mınıstr Mahmýdqa óz rızashylyqtaryn bildirip, arnaıy marapat tapsyrdy. Sondaı-aq, qutqarý jumystary kezinde Mahmýdtyń qalta telefony joǵalǵanyna baılanysty jańasyn syıǵa tartty.

Esterińizge sala keteıik, 24-qańtar kúni Túrkııanyń Elıazyg provıntsııasynyń Sıvrıdje qalasynda magnıtýdasy 6,8 ball bolatyn jer silkinisi bolǵan edi. Málimet boıynsha, 41 jan qaıtys bolyp, jaralanǵandardyń sany 1600-dyń ústinde sanalyp otyr.