JYLDYQ ESEP–2025: ShARIǴAT JÁNE PÁTÝA BÓLIMI 2025 JYLY 200 MYŃNAN ASTAM SURAQQA JAÝAP BERDI
2025 jyly Qazaqstan musylmandary dinı basqarmasynyń Sharıǵat jáne pátýa bólimi halyqtyń dinı saýatyn arttyrý, qoǵamda týyndaǵan ózekti máselelerge sharıǵı turǵyda naqty ári júıeli jaýap berý baǵytynda aýqymdy jumystar atqardy.
Jyl boıy Ǵulamalar keńesiniń otyrystarynda barlyǵy 17 pátýa usynylyp, sonyń 13 pátýasy men 1 qujat qabyldandy. Sonymen qatar Túrki memleketteri uıymy Múftıler alqasy janyndaǵy Pátýa keńesinde 5 pátýa bekitildi.
Qabyldanǵan pátýalardy keńinen túsindirý maqsatynda respýblıka kóleminde ımamdarǵa arnalǵan 327 semınar, al meshit jamaǵatyna 3921 pátýa saǵaty ótkizildi. Budan bólek, QMDB-nyń kontseptýaldy qujattary jyl boıy 789 ret tanystyrylyp, 60 myńǵa jýyq adam qamtyldy.
2025 jyly halyqtan kelip túsken barlyǵy 208 056 dinı suraqqa jaýap berildi. Onyń ishinde:
43 782 suraqqa – jeke qabyldaý barysynda,
66 838 suraqqa – telefon arqyly,
97 436 suraqqa – áleýmettik jeliler arqyly jaýap berildi.
Ortalyq apparat qyzmetkerleri 17 915 suraqqa jaýap qaıtardy. Sonymen qatar Mýftııattyń bot qosymshasy arqyly eki maman qyzmet kórsetip, iske qosylǵan ýaqyttan beri 5500-ge jýyq suraqqa jaýap berildi.
Medıa jospar aıasynda dinı suraq-jaýap formatynda 1117 beınerolık túsirildi. Sondaı-aq dinı taqyrypta 150 maqala ázirlenip, fatua.kz saıtyna, jýrnaldar men gazetterge jyl boıy 122 maqala jarııalandy. Buǵan qosa respýblıkalyq telearnalarda 79 suhbat berildi.
Resmı hattar men jazbasha saýaldar arqyly kelip túsken 93 suraqqa jaýap joldandy. Otbasy máselesine qatysty talaq boıynsha 469 ótinish qabyldanyp, barlyǵyna tolyq jaýap berildi.
Jyl ishinde «Pátýalar jınaǵynyń 5-shi tomy», sondaı-aq qajylyq jáne otbasy máselelerine arnalǵan suraq-jaýap kitapshalary jaryq kórdi. Sonymen qatar óńirlik pátýa mamandary MFTsA uıymdastyrǵan qarjy jáne bank júıesine qatysty onlaın semınarǵa qatysyp, kásibı biliktilikterin arttyrdy.
Respýblıkalyq call-ortalyq arqyly 8207 suraqqa jaýap berildi. Budan bólek, elimizdiń barlyq oblys ortalyqtarynda ashylǵan otbasylyq keńes berý ortalyqtary arqyly 3991 jup pen 511 jeke adamǵa keńes kórsetildi. Nátıjesinde 294 otbasynyń shańyraǵy saqtalyp qaldy.
