JYLDYQ ESEP–2025: HALYQARALYQ YNTYMAQTASTYQ JÁNE SYRTQY BAILANYSTAR SALASYNDAǴY QYZMETI
2025 jyly Qazaqstan musylmandary dinı basqarmasy halyqaralyq yntymaqtastyqty keńeıtýge aıryqsha kóńil bóldi. Osy baǵytta QMDB Tóraǵasy, Bas múftı Naýryzbaı qajy Taǵanuly Hazret Saýd Arabııasy Koroldigine, Bahreın, Qatar memleketterine, sondaı-aq Túrkııa, Mysyr jáne Qyrǵyzstan elderine resmı saparlar jasap, joǵary deńgeıdegi birqatar mańyzdy kezdesýler ótkizdi.
Sonymen qatar, elordamyz Astana qalasyndaǵy Respýblıkalyq Bas meshitte Respýblıka kúni men Qazaqstan musylmandary dinı basqarmasynyń 35 jyldyǵyna oraı II Halyqaralyq Quran jarysy joǵary deńgeıde uıymdastyrylyp, sátti ótti. Atalǵan jarysqa 21 elden 22 qarı qatysyp, Qazaqstan, Saýd Arabııasy, Mysyr, Túrkııa jáne Qyrǵyzstan elderinen kelgen halyqaralyq dárejedegi tóreshi-qarılar qazylyq etti.
Eseptik kezeńde QMDB Tóraǵasy, Bas múftı Naýryzbaı qajy Taǵanuly Hazret 22 sheteldik meımanmen, elshilermen jáne din lıderlerimen resmı kezdesýler ótkizdi.
Sondaı-aq, Astana qalasynda ótken Álemdik jáne dástúrli dinder lıderleriniń VIII Sezi aıasynda Bas múftı birqatar halyqaralyq delegatsııalarmen júzdesip, Qazaqstannyń konfessııaaralyq jáne dinaralyq dıalogty damytýdaǵy róli keńinen talqylandy. Sezd aıasynda Dúnıejúzilik Islam Lıgasy jáne Indonezııa Ǵulamalar keńesimen ekijaqty yntymaqtastyq jónindegi memorandýmdarǵa qol qoıylyp, QMDB-nyń halyqaralyq baılanystary odan ári nyǵaıtyldy.
2025 jyldaǵy mańyzdy jańalyqtardyń biri – Doha qalasynda Qatar Damý qorymen jasalǵan kelisim nátıjesinde Astana qalasyndaǵy «Ábý Nasr ál-Farabı» meshitin qaıta jańǵyrtý jáne rýhanı ortalyq salý jobasynyń kelisimge kelýi boldy.
Sonymen qatar, el ishindegi dinı ahýalmen tanysý jáne jamaǵatpen tikeleı kezdesý maqsatynda QMDB Tóraǵasy, Bas múftı Naýryzbaı qajy Taǵanuly Hazrettiń Astana, Almaty, Shymkent qalalary men óńirlerge jalpy sany 17 jumys sapary uıymdastyryldy.
