JYLDYQ ESEP–2025: BIRQATAR TsIFRLYQ JOBALAR ISKE ASYRYLDY
2025 jyly Qazaqstan musylmandary dinı basqarmasy qyzmetti zamanaýı talaptarǵa saı jetildirý jáne halyqqa kórsetiletin dinı ári aqparattyq qyzmetterdiń sapasyn arttyrý maqsatynda birqatar mańyzdy tsıfrlyq jobalardy júzege asyrdy.
Atap aıtqanda, azamattardyń dinı suraqtaryna jedel ári naqty jaýap berý úshin MuftyatBot Telegram chat-boty iske qosyldy. Bul joba arqyly paıdalanýshylar sharıǵı máseleler boıynsha jyldam ári qoljetimdi keńes alý múmkindigine ıe boldy.
Sonymen qatar, din qyzmetkerleriniń tsıfrlyq saýattylyǵyn arttyrý maqsatynda «Qujattandyrý men tsıfrlyq saýattylyqtyń tıimdi tásilderi» taqyrybynda respýblıkalyq semınar uıymdastyryldy. Semınar barysynda ishki qujat aınalymyn tolyq tsıfrlandyrýǵa baǵyttalǵan «e-Quzhat» júıesiniń tanystyrylymy ótip, aldaǵy ýaqytta QMDB qyzmetkerleriniń biryńǵaı tsıfrlyq platformada jumys isteýi kózdeletini aıtyldy.
Halyqqa kórsetiletin qyzmetterdiń qoljetimdiligin arttyrý maqsatynda Qurban.muftyat.kz saıty jańartylyp, onlaın qurban shalýǵa ótinim qabyldaý qyzmeti qaıta iske qosyldy. Sondaı-aq Muftyat App mobıldi qosymshasyna QR-kod arqyly sadaqa aýdarý fýnktsııasy engizildi.
Azamattarǵa jedel ári naqty aqparat berý baǵytynda QMDB Call-ortalyǵynyń 1511 tegin qysqa nómiri iske qosyldy. Budan bólek, «ISLAM QUIZ» mobıldi qosymshasy QMDB balansyna qabyldanyp, ony jetildirý jumystary júrgizilýde.
Atalǵan bastamalar QMDB qyzmet kórsetý júıesin jańǵyrtyp, dinı qyzmetterdiń bir bóligin Elektrondy formatqa kóshirýge múmkindik berdi. Aldaǵy ýaqytta Múftııat tsıfrlyq baǵyttaǵy jumystardy júıeli túrde jalǵastyryp, jańa jobalardy iske asyrý arqyly halyqqa qyzmet kórsetý sapasyn odan ári arttyrýdy maqsat etedi.
