JYLDYQ ESEP–2025: 385 MYŃ OTBASYǴA TÚRLI KÓMEK KÓRSETILDI
2025 jyly Qazaqstan musylmandary dinı basqarmasynyń «Zeket jáne qaıyrymdylyq» qory respýblıka kóleminde áleýmettik turǵydan osal toptardy qoldaý, muqtaj jandarǵa naqty kómek kórsetý jáne qaıyrymdylyq mádenıetin damytý baǵytynda júıeli jumystar júrgizdi.
«Ómirge úmit syıla» jobasy aıasynda jyl ishinde 9 651 naýqas janǵa kómek kórsetildi. Respýblıka boıynsha jeti ońaltý ortalyǵy erekshe balalarǵa arnalǵan zamanaýı ońaltý keshenderimen tolyq jabdyqtaldy. Sonymen qatar Astana jáne Atyraý qalalarynda, Aqmola men Jambyl oblystarynda Epılepsııa dertine shaldyqqan balalar tegin medıtsınalyq tekserýden ótip, dáriger keńesin aldy.
«El úlesi – páterge» jobasy aıasynda 70 otbasyǵa baspana kilti tabystaldy. Onyń ishinde 35 páter qyzmettik maqsatta berilse, taǵy 35 baspana áleýmettik jaǵynan muqtaj otbasylarǵa úlestirildi.
«Taıqazan» qaıyrymdylyq aktsııasy arqyly 62 458 otbasy azyq-túlikpen qamtyldy.
Jyl boıy kıim-keshek túrindegi kómek kórsetilip, 18 436 otbasy qajetti zattarmen qamtamasyz etildi.
«Qoldan – qolǵa» jobasy aıasynda 8 259 otbasyǵa qarjylaı qoldaý kórsetildi.
«Bilim» jobasy arqyly 752 shákirtke bilim alý jolynda qaıyrymdylyq kómegi jasaldy.
2025 jyly meshitter men medreselerge 473 túrli kómek kórsetildi.
Aqparattyq baǵyttaǵy jumystar sheńberinde QMDB «Zeket jáne qaıyrymdylyq» qorynyń resmı áleýmettik jeli paraqshalarynda 5 478 jańalyq jarııalandy.
Maýsymdyq qaıyrymdylyq sharalary aıasynda «Mektepke jol» jobasy boıynsha áleýmettik az qamtylǵan otbasylardan shyqqan 25 735 balaǵa oqý quraldary taratyldy.
«Rabbyń úshin qurban shal» jobasy barysynda 76 012 otbasyǵa qurbandyq eti jetkizildi.
Qasıetti Ramazan aıynda uıymdastyrylǵan «Sharapatty Ramazan» jobasy aıasynda 248 412 aýyzashar sebeti muqtaj jandarǵa úlestirildi.
Zeket jáne ushyr jınaý-tartý jumystary sheńberinde sharýa qojalyqtary men bıznes ókilderi qatysqan 900 kezdesý ótkizildi. Sonymen qatar «Ushyr jınap taratý» jobasy arqyly respýblıka boıynsha 35 tonna kókónis, jemis-jıdek jáne dándi daqyldar, sondaı-aq 1 tonna et jınalyp, muqtaj jandarǵa taratyldy.
Zaǵıp jandarǵa arnalǵan «7 núkte» oqý ortalyǵynda Quran Kárim men Quran álippesi Braıl qarpimen Zeket qorynyń qoldaýymen basylyp shyǵaryldy. Qazirgi tańda 35 shákirt bilim alýda, al 10 ustazǵa arnaıy oqytý sertıfıkattary tabystaldy.
Jalpy 2025 jyly qaıyrymdylyq baǵytynda 16 087 is-shara uıymdastyrylyp, 385 338 otbasy túrli kómek túrlerimen qamtyldy.
