«Jýsan» boıynsha otanǵa oralǵan otbasylarmen kezdesti (FOTO)

Búgin elordada QMDB Tóraǵasy, Bas múftı Naýryzbaı qajy Taǵanuly «Jýsan» operatsııasy arqyly elge oralǵan qyz-kelinshektermen júzdesip, Oraza aıtqa arnalǵan syı-sııapat usyndy.

Bas múftı óz sózinde Otannan asqan aıaýly meken joq ekenin eske saldy.

«Bizdiń Otanymyz – Qazaqstan. Shetelge shyqqan saıyn, elimizdi saǵynamyz. Qazaqstan – bizdiń tólqujatymyz. Alladan keıingi qoldaýshymyz da – osy Otan. Sizderge kórsetilip jatqan túrli kómek – osy Otannyń qamqorlyǵy, sharapaty.

«Zeket» qorynyń bastamasymen ózderińizge syı-syıapat daıyndadyq. Alla sizderge berik ıman, otbasylaryńyzǵa amandyq bersin!» dedi Naýryzbaı qajy Taǵanuly.

Kezdesý sońynda «Zeket» qory «Jýsan» operatsııasy arqyly elge oralǵan 8 otbasyǵa azyq-túlik jáne turmystyq zattar úlestirdi.