JOǴARǴY SOT TÓRAǴASY KEŃESShISI MÚFTIIaTQA IGI JOBA USYNDY (FOTO)
Qazaqstan musylmandary dinı basqarmasynyń tóraǵasy Serikbaı qajy Oraz Astanada QR Joǵarǵy Sot Tóraǵasynyń keńesshisi Saǵatbek Súleımen myrzamen kezdesti.
Kezdesýde Saǵatbek Bolatbekuly Bas múftıge elimizde bıler ınstıtýtyn jańǵyrtý boıynsha birlesken jobalardy júzege asyrýdy usyndy. Atap aıtqanda, azamattardy sotqa deıin tatýlastyrý, bitimge shaqyrý, araaǵaıyndyq dástúrdi qaıta jańǵyrtý boıynsha birlese qyzmet etý máselesi sóz boldy. Joǵarǵy Sot Tóraǵasynyń keńesshisi bul baǵyttaǵy jobalardy júzege asyrýda múftııat qyzmetkerleri men ımam-moldalardyń yqpalyn aıryqsha atap ótti.
Óz kezeginde Serikbaı Satybaldyuly: «Halyqty birlik pen izgilikke, tatýlyq pen meıirbandyqqa úndeý – múftııattyń negizgi qyzmetteriniń biri. Biz bul baǵytta birlese jumys jasaýǵa ázirmiz. Halyqty ymyra men bitimge, ózara kelisimge shaqyrý – túrli mekemede túrli mıssııany atqaryp otyrǵan jetekshi tulǵalardyń asyl mindeti. «Saýsaq birikpeı, ıne ilikpeıdi», – degen naqyl bar. Biz biriksek, izgi is-sharalar men ıgi jobalardy júıeli túrde júzege asyratyn bolamyz», – dep atap ótti.
Basqosýda taraptar QR Joǵarǵy Soty men QMDB arasynda arnaıy memorandým qabyldaýǵa ýaǵdalasty. Sonymen qatar, jurtshylyq arasynda túsindirý jumystaryn júrgizýge, konferentsııalar men dóńgelek ústel, arnaıy basqosýlar ótkizýge kelisti.
