«Jibek» qyz-kelinshekter klýby master-klass uıymdastyrdy (FOTO)

Elordamyzdaǵy «Nur Astana» meshitinde «Jibek» qyz-kelinshekter klýby áıel jamaǵatyna «Dene jáne bet kútimi» jaıynda master-klass ótkizdi. Dinı saýat ashý kýrstaryna keletin áıel shákirtterdiń basyn qosyp, túrli sharalarǵa  uıytqy bolyp júrgen «Jibek» qyz-kelinshekter klýby bul joly áıel adamnyń ózin kútinýi jaıynda master-klass uıymdastyrdy.

Master-klassty dene jáne bet kútimindegi plazmalyq jáne apparattyq kosmetologııa mamany Aınur Tursynbekqyzy júrgizdi. «Jibek» klýbynyń jetekshisi, «Nur Astana» meshitiniń ustazy Dınara Nurǵalıeva qonaqty jamaǵatqa tanystyrý barysynda kúnimizde áıel adamnyń jan-jaqty saýatty ári kózi ashyq bolýy kerektigi jóninde sóz qozǵady. Sondaı-aq, ózin durys kútine bilýdiń ana densaýlyǵy úshin mańyzdy ekenin atap ótti.