Jer únemdeý maqsatynda jerleý rásimderine tyıym salyndy

Qytaı eliniń ońtústik-shyǵysyndaǵy Tsıaıansı provıntsııasynyń bıligi jerleý rásimderine tyıym salyp, máıitterdi órteý ádisine kóshýdi qolǵa alyp otyr.  South China Morning Post gazetine silteme jasaı otyryp, Rıa Novostı aqparat agenttigi osyndaı habar taratty.

Belgili bolǵandaı, provıntsııa basshylary bul ádis arqyly jer únemdeýge bolady dep sheshken kórinedi. Qazirgi ýaqytta jerleý rásimderi toqtatylyp, al daıyn tabyttardy buzyp tastaýdy bastap ketken. Al, qyrkúıek aıynyń sońynda provıntsııa boıynsha tek qana «krematsııa» ádisi qoldanylatyn bolmaq.

Aıta keteıik, buǵan deıin bundaı tyıym Qytaı Shandýn provıntsııasynda qoldanylyp kelgen bolatyn. Alaıda, adamnan aıla artylǵan ba?! Atalmysh tyıymnyń áserinen dál osy provıntsııada ózge jurtqa oǵash estiletin «máıit saýdasy» paıda bolǵan edi. Marqumnyń týystary krematsııaǵa ózge adamnyń denesin ótkizip, ózderi qupııa túrde jerleıtin bolǵan.