Jat aǵymnan saqtandyratyn jańa kitap jaryq kórdi
QMDB Ǵulamalar keńesiniń múshesi, Nur-Múbarak ýnıversıtetiniń prorektory, PhD doktory, dotsent Qaırat Qurmanbaev pen Nur-Múbarak ýnıversıtetiniń PhD doktoranty, «Islamtaný» kafedrasynyń oqytýshysy Nurjan Stambakıevtyń birlesip jazǵan «Namaz oqymaıtyn adam – kápir» deıtinderge jaýap» atty kitaby jaryq kórdi.
Avtorlardyń jańa týyndysy Aqparat jáne qoǵamdyq damý mınıstrligi Din isteri komıteti tarapynan júrgizilgen dintaný saraptamasynyń talaptarynan ótip, QMDB-nyń saraptaý komıssııasynan oń baǵa aldy. Kitapta qoǵamda pikirtalas týdyrǵan dinı máselelerdiń biri – namaz oqymaıtyn adamnyń úkimi talqylanady. Taqyrypqa qatysty áhlý sýnna ǵylymdarynyń ustanymy basqa kózqarastarmen salystyryla otyryp, teologııalyq, dinı-quqyqtyq turǵyda zertteledi.
«Qoǵamda keıbir din ustanýshylar tarapynan týyndaıtyn qaterdiń aldyn alý, shetin top ókilderin ońaltý jumystaryna úles qosý maqsatynda, ortada dinı alaýyzdyqqa sebep bolyp júrgen negizgi taqyryptarǵa jeke-jeke arnaıy shaǵyn eńbek jazýdy qolǵa aldyq. Sonyń alǵashqysy – «Namaz oqymaıtyn adam – kápir» deıtinderge jaýap. Namaz oqymaıtyn adamdy kúpirlikpen aıyptaıtyn, tipti ata-anasy men óziniń týǵandaryn namaz oqymaǵany úshin jat kórip júrgender osy kitap arqyly aqıqatty túsinip jatsa, maqsatymyz oryndalǵany», – deıdi kitap avtorlarynyń biri Qaırat Qurmanbaev.
«Namaz oqymaıtyn adam – kápir» deıtinderge jaýap» atty kitaby eki tilde jazylǵan, 148 betten turady. Jańa jınaq ıslamtanýshy, dintanýshy, deradıkalızatsııa baǵytyndaǵy mamandarǵa arnalǵan. Kitapqa +7 (701) 677 75 77 nómirine habarlasyp, tapsyrys berýge bolady.
