Jastarǵa «Jeti rýhanı qazyq» tuǵyrnamasy tanystyryldy 

QMDB Óskemen aımaǵy ókildigi Áıel-qyzdar sektorynyń jetekshisi Talshyn Qojahmetova D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń stýdentterimen kezdesti.

Jıynda jastarǵa «Jeti rýhanı qazyq» rýhanı tuǵyrnamasy tanystyryldy. Talshyn Zarqymqyzy óz sózinde: «Jeti rýhanı qazyq» – adamgershilik qundylyqtardy biriktirgen biregeı qujat. Osy rýhanı tuǵyrnamada kórsetilgen ustanymdardy jastar boıyna sińire bilse, otanshyl, bilimdi, ádil bolyp qalyptasady» deı kele, tuǵyrnama jaıly keń kólemde baıandady.

Sondaı-aq, ol óz sózinde rýhanı tuǵyrnamada kórsetilgen bilimdilik qaǵıdalaryna tereń toqtalyp, jastarǵa bilimniń mańyzy týraly nasıhat aıtty. Stýdent jastar qaýymy T.Zarqymqyzyna saýal qoıyp, oı-pikirin aıtty. Oqý ornynyń basshylyǵy sektor jetekshisine tálimdik kezdesýi úshin alǵys bildirdi.